Kur punon fort, një ditë do të marrësh shpërblimin e merituar. Ky është rasti i talentit Jorgo Pëllumbi, i cili punoi fort me kokën ulur nga moshat kaloi me ekipin e parë të Skënderbeut dhe priti momentin e duhur për të treguar vlerat e tij, duke fituar një vend titullari tek ekipi korçar.
Është vetëm 18 vjeç, është grumbulluar rregullisht nga Kombëtarja kuqezi e moshave U-17 dhe U-19 dhe tani ka ardhur momenti të bëjë një tjetër hap të rëndësishëm pasi është thirrurr tek Kombëtarja U-20.
Talenti korçar është aktivizuar me shpesh pas largimit të Fidan Alitit në merkaton e janarit, ku është përdorur aty ku Skënderbeu ka patur nevojë, në krahun e majtë të mbrojtes por edhe në qendër. Alban Bushi ka qenë i pranishëm në “Niko Dovana” ku e ka ndjekur nga afër në ndeshjen Teuta-Skënderbeu ku duket se ka mbushur mendjen dhe po e projekton per ta afruar tek Kombëtarja U-21.
Kombëtarja U-20 është krijuar së fundi nga Federata Shqiptare e Futbollit për të shërbyer si përzgjedhje e elementëve më të mirë që do të kalojnë më pas tek kombëtarja Shpresa. Kombëtarja U-20 do të fillojë ditën e nesërme grumbullimin, ku do të bëhet publike dhe lista e plotë nga trajneri Ilir Biturku dhe në ditët në vijim është programuar dhe një miqësore me ekipin e Vllaznisë./boldnews.al
