Mund të luajmë edhe pa sulmues, ndaj nuk kam grumbulluar shumë të tillë.
Kështu u shpreh trajneri i kombëtares shqiptare, Kriatiano Panuçi, në një konferencë për mediat, ndërsa ekipi po bëhet gati për dy takimet e para për ndeshjet e eleminatoreve Euro 2020.
Ai u pyet për listën që ka grumbulluar dhe lojtarët që ka lënë jashtë, ndërsa Panuçi tha se kombëtarja mund të lujaë edhe pa sulmues.
“Prandaj nuk kam grumbulluar shumë të tillë”, tha tekniku Italian i kombëtares shqiptare.
“Nuk do të ndryshojmë shumë në sjellje, mënyra e lojës do të jetë po ajo që kemi pasur. Kemi rikuperuar disa lojtarë. Do ta ndryshojmë diçka duke filluar nga Turqia. Do të luajmë 4-3-3, ose 3-5-2
Jam i kënaqur me 23 lojtarët që kam, por varet edhe nga forma. Kemi thirrur edhe Cikalleshin, por ishte i dëmtuar. Ndoji dhe Binaku janë të dëmtuar. Rikuperuam Abrashin, Ajetin. Grezda ka luajtur, por të shohim. Qosen e kam ndjekur gjatë gjithë dimrit”, tha tekniku italian.
Në vijim Panuçi tha se kombëtarja ndodhet në grupin e 4 dhe do të ecet ndeshje pas ndeshje.
“Nëse bëjmë mirë dalim të tretët, nëse bëjmë diçka speciale dalim të dytët. Nëse jo, unë iki. Duhet të jeni të qetë dhe të përulur. 2016-ta i ka bërë keq dikujt”, theksoi ai.
Lidhur me lojtarë të rinj, më konkretisht me Tahiraj dhe Durmishaj, Panuçi tha se i ka parë të gjithë.
“Për sa i përket lojtarëve të tjerë, kishin përgjigje, por ndryshuan. Zgjodhën për të luajtur për Greqinë. Për detajet e sakta, është FSHF që mund të flas më shumë”, theksoi ai.
