Skënderbeu ka mposhtur Kukësin me rezultatin 1-0 në supersfidën e zhvilluar në Korçë. Goli i mesfushori Bruno Dita i dhuroi fitoren skuadrës së Orges Shehit, duke i dhënë një goditje të rëndë verilindorëve të Armando Cungut.
Ky triumf i korçarëve është shndërruar në një asist edhe për Partizanin kryesues që në rast triumfi ndaj Teutës do të thellë diferencën në +9 nga skuadra e Kukësit.
Duhet theksuar se përballja e sotme ishte tepër e luftuar, ku nuk munguan as kartonat e kuq. Në minutën e 78-të, Leonit Abazi la fushën e lojës, pas një ndërhyrje të ashpër ndaj Maliqit. Me fitoren ndaj Kukësit, Skënderbeut u ngjit në kuotën e 37 pikëve, duke parakaluar përkohësisht Laçin.
SKËNDERBEU-KUKËSI 1-0
Dita 4′
KOMENTI LIVE:
Mbyllet takimi.
90+1′ Teqja ndërhyn në mënyrë të gabuar ndaj Bregut, gjyqtari e ndëshkon me karton të verdhë.
90′ Akordohen 4 minuta shtesë.
90′ Zëvendësim te Skënderbeu, largohet Gripshi, vendin e tij e zë Dejvi Bregu.
86′ Drithërima në portën e Skënderbeut, Dajsinani bën heroin, me një superpritje, duke i mohuar një golt të sigurt verilindorëve, pas gjuajtjes së Rexhinaldos brenda zonës.
81′ Zëvendësim te Skënderbeu, largohet Krasniqi, vendin e tij e zë, Jorgo Pëllumbi.
78′ Skënderbeu me 10 lojtarë, Leonit Abazi ndëshkohet me karton të kuq, për ndërhyrje horror ndaj Maliqit.
73′ Kapiteni i Kukësit, Ylli Shameti, provon të rrezikojë në portën e Skënderbeut, por në momentin e fundit gabon, duke humbur kohën dhe duke shkaktuar faull në sulm.
71′ Gripshi lëviz bukur në hyrje të zonës dhe provon me një gjuajtje, por topi shkon në duart e Frashërit.
67′ Kukësi provon të shtyjë përpara duke rrezikuar me treshen, Rama-Shkurtaj-Rexhinaldo.
62′ Tjetër zëvendësim te Kukësi, largohet Limaj, në lojë Shkurtaj.
60′ Zëvendësim te Skënderbeu, largohet kroati Pervan, vendin e tij e zë Oto Xhon.
55’ Kukësi mundohet të reagojë duke dalë me pasime të shpejta para, por mbrojtja e Skënderbeut është vendosur mirë dhe nuk lë hapësira.
49′ Pranë golit të dytë Skënderbeu. Pas një harkimi nga e majta, provon të përfitojë sulmuesi Krasniqi brenda zonës, por largojnë mbrojtësit e Kukësit.
46′ Starton pjesa e dytë. Cungu hedh në fushë Valdet Ramën, i cili zë vendin e Çyrbes.
Mbyllet pjesa e parë.
45′ Akordohet 1 minutë shtesë.
42′ E pabesueshme çfarë humbet Kukësi. Teqja jep një asist fantastik për Rrocën, i cili shumë portës ka shpërdoruar një rast të artë shënimi, duke e dërguar topin jashtë kuadratit.
39′ Pranë golit të dytë Skënderbeu. Pervan provon me një predhë nga distanca, topi shkon shumë pranë trekëndëshit të djathtë të portës së mbrojtur nga Frashëri.
35′ Përballje emocionuese në stadiumin “Skënderbeu”, të dy skuadrat provojnë të shënojnë, duke prodhuar rritëm të jashtëzakonshëm në fushën e lojës.
29’ Mundësi e mirë shënimi për Kukësit, pas një kombinimi mes Çyrbjes dhe Limajt, topi ka shkuar te Ethemi, por ky i fundit është zënë në pozicion jashtë loje.
26′ Momente tensioni në Korçë. Ylli Shameti godet me shpullë në zonë, futbollistin e Skënderbeut Kaba Sambou.
25′ Skënderbeu pretendon për 11-metërsh. Pas krostimit të Gripshit nga e majta, Maliqi prek topin me dorë brenda zonës, por për gjyqtarin Jorgji nuk kemi të bëjmë me 11-metërsh.
19′ Rroca ndërhyn në mënyrë të gabuar ndaj Gripshit, gjyqtari Jorgji e fal, duke mos i dhënë karton.
15′ Minuta mjaft të mira për Skënderbeut që ushtron presion të vazhdueshëm në zonën e Kukësit.
11′ Pervan jep një asist fantastik për Krasniqin, por mbyll gjithçka mbrojtësi Teqja.
10′ Kukësi provon të fitojë terren, pas golit të pësuar, por nuk lejojnë hapësira futbollistët e Skënderbeut.
4′ GOOOOL SKËNDERBEU 1-0/ Bruno Dita gjen rrugën e rrjetës. Pas një predhe të Pervan brenda zonës, topi është stampuar në shtyllën e djathtë pingule dhe ka shkuar në këmbët e Ditës, i cili me portën e boshatisur e ka shtyrë në rrjetë duke kaluar në avantazh korçarët.
1′ Skënderbeu e nis rrezikshëm. Pervan provon me një gjuajtje në hyrje të zonës, topi përfundon mbi kuadrat.
1′ Ka nisur takimi.
FORMACIONET ZYRTARE:
Skënderbeu: Dajsinani, Vangjeli, Radas, Sambou, Abazi, Dita, Sibo, Muzaka, Pervan, Gripshi, Krasniqi. (Në stol: Teqja, Pëllumbi, Taipi, Asani, Toskiç, Bregu, Oto Xhon) Trajner: Orges Shehi
Kukësi: Frashëri, Maliqi, Shameti, Krasniqi, Teqja, Çyrbja, Limaj, Dzaria, Ethemi, Rroca, Rexhinaldo. (Në stol: Gomish, Joti, Musolli, Rama, Shkurtaj) Trajner: Armando Cungu
Gjyqtarë: Enea Jorgji, Ridiger Çokaj, Nertil Bregasi
/Panorama Sport/
