Një vrasje ka ndodhur pasditen e kësaj të shtune në zonën e Kodrave të Liqenit në Tiranë. Burime bëjnë me dije se është vrarë Haxhi Baçinozi, 62 vjeç me origjinë nga Drenasi i Fierit dhe baba i dy fëmijëve.
Baçinozi është ekzekutuar në sy të një prej djemve. Burimet sqarojnë se ata ishin bashkë në momentin kur ka ndodhur vrasja.
Ai është qëlluar disa herë me armë zjarri dhe megjithëse është transportuar në spital, nuk ka mundur t’ju shpëtojë plagëve të marra.
Dyshohet se autorët ishin 2 dhe u larguan me motoçikletë pas atentatit.
Ende nuk dihen arsyet e këtij krimi të rëndë.
Policia ka shkuar në vendngjarje dhe po punohet për zbardhjen e plotë të rrethanave të krimit.
“Rreth orës 18:15, tek Liqeni Artificial, është vrarë me armë zjarri, shtetasi H. B., 62 vjeç. Policia ka identifikuar autorin dhe po punon për kapjen e tij”, njoftoi Policia. /BN/
Grupi hetimor në vendngjarje
