Kryebashkiaku i Tiranës Erjon Veliaj, vijon të mos kursehet me fjalorin e tij fyes dhe ofendues ndaj shqiptarëve të cilët nuk jetojnë në Tiranë, edhe pse vetë pjesën më të madhe të votave në 2015-n e mori nga jabanxhinjtë e natyralizuar në ‘Tirons’.
Pas protestës më të madhe opozitare në vend, ku mijëra qytetarë shqiptarë protestuan për një jetë më të mirë, për një Shqipëri Europiane, Lali Eri i mijëra protestave të ‘Mjaft’, sot i quan ata njerëz primitivë.
Për lali Erin është primitivizëm të protestosh kundër padrejtësive. Por lali Erit mesa duket nuk e ka kputuar që rrugët pis nuk i bënë protestuesit e ardhur nga rrethet, por policët e Lleshajt dhe Ramës, të cilët lëshuan me qindra tymuese në bulevard dhe para parlamentit, duke ndotur jo vetëm rrugët por edhe ajrin.
“Tirana nuk i përulet dhunës! Kurrë! Çdo gjë xixë për nesër. Tirana nuk ndalet. Unë nuk e di si i mbani qytetet prej nga vini çdo muaj për ekskursion dhune, por Tirana jonë kurohet me shumë mund e nuk e pranon këtë lloj bullizmi primitiv. Do pastrohet e meremtohet në kohë rekord sot, që nesër të jetë gati për Ditën e Verës e për gjithë qytetarët e vërtetë”, theksoi Veliaj.
