“Ja ku e ke pajisjen përgjuese” ka thënë Entiol Xhelilaj me ironi duke nxjerrë një trëndafil nga një valixhe që mbante në dorë, e ngjashme me valixhen e shfaqur në fotot ilustruese për pajisjen “IMSI Catcher”, ditën e djeshme para trupit gjykues.
Oficeri i Forcës së Posaçme Operacionale, u paraqit dje në gjykatë për verifikimin e masës së sigurisë “arrest shtëpie”. Në valixhe ai mbante disa dokumente që do të përdorte për mbrojtjen dhe për ironi nxori prej saj edhe një trëndafil dhe e drejtoi nga gazetarët, duke nënkuptuar se nuk ka përgjuar njeri
Ironia e nisur në panairin e Policisë së Shtetit me një kuti të zezë ku shkruhej “a është këtu pajisja e përgjimit.
Gjesti i tij tregoi pakënaqësi ndaj gjyqtarit Aliaj, i cili së fundmi është cilësuar si “killer” nga kryeministri dhe ministri i Brendshëm për pezullimin e Haki Çakos. Pavarësisht këtyre, gjykata ka lënë në arrest shtëpie dy punonjësit e Policisë, ndërsa çështja Çako është dërguar në Apel dhe më datë 16 qershor do të jetë seanca ku do të merret vendimi.
