Pajisja e përgjimit ka qëndruar në ambientet e Forcës Lëvizëse Operacionale dhe jo në ambasadën italiane apo misionin “Interforce”.
Kjo sipas Prokurorisë mësohet nga sistemi TIMS ku zbulohet se italianët e kanë lënë pajisjen në ambientet e FLO dhe kanë udhëtuar drejt Italisë për t’u kthyer përsëri më vonë në vendin tonë. “Panorama” shkruan se element tjetër sipas burimeve në prokurori është fakti se shefi i FLO, Artion Duka, ka dhënë deklarime që nuk qëndrojnë në momentin e marrjes në pyetje në Prokurori.
Ai ka thënë se të vetmet lëvizje që janë kryer me pajisjen kanë qenë lëvizja e saj nga ambientet e FLO në hotelin ku bëhej trajnimi i Policisë dhe nga FLO në ambasadën italiane në Tiranë. Sipas Prokurorisë, kjo nuk është e vërtetë, pasi makina me pajisjen është lëvizur në të paktën dy raste, duke qenë vetëm Ention Xhelilaj në automjet. Po kështu pjesën më të madhe të kohës, pajisja ka qëndruar në ambientet e Forcës Lëvizëse Operacionale dhe jo në ambasadën italiane apo misionin “Interforce”.
