Policia e Vlorës ka finalizuar operacionin anti-drogë, të koduar “Konvikti 2” dhe ka vënë në pranga një shpërndarës të lëndës narkotike.
Sipas të dhënave zyrtare është arrestuar në flagrancë 25-vjeçari Ardian Velaj, banues në Vlorë.
Policia ka ndërhyrë në bazë të informacioneve të marra në rrugë operative, se shtetasi i mësipërm shpërndante lëndë narkotike pranë ambienteve të qytezës “Studenti” Vlorë. Arrestimi i tij u bë në lagjen “Isa Boletini” brenda ambienteve të qytezës “Studenti”.
Gjatë kontrollit fizik që i është bërë këtij shtetasi, Policia ka gjetur të fshehur në trup rreth 14 gram lëndë narkotike të llojit “Cannabis”, e cila u sekuestrua në cilësinë e provës materiale.
Ardian Velaj, sipas policisë, ka qenë i dënuar më parë për të njëjtën vepër penale, për “Prodhim dhe shitje të lëndëve narkotike”.
