Blerta Dervishit, efektives së policisë të repartit Shqiponja, iu komunikua dje përmes telefonit pezullimi i përkohshëm nga detyra.
Ndëshkimi për punonjësen e policisë erdhi pasi ajo ishte një nga qytetarët që tentoi të mbrojë banesën e saj në zonën e Petro Ninit, atje ku dje për mbi 5 orë pati një situatë të rëndë mes 15 familjarëve, shumica gra e fëmijë, efektivëve të policisë dhe përmbaruesve për zbatimin e një vendimi gjykate.
Dervishi, e divorcuar nga bashkëshorti, rrit e vetme dy fëmijët e saj, pohoi dje se mund të humbasë vendin e punës për shkak të kundërshtimit që po bën, por nuk kishte zgjidhje tjetër.
“Dje më është njoftuar masa që jam e pezulluar me motivacionin pengesë për veprimet përmbarimore.
Kolegët kanë qarë, kanë bërë detyrën në mënyrën më të mirë të mundshm dhee unë i përgëzoj si eprorët dhe efektivët.
Në rastin tim, unë aty kam qenë banore, jam qytetare e thjeshtë e lirë për të mbrojtur pronën time, e lirë për të mbrojtur familjen time, e lirë për të mbrojtur fëmijet e mi se nuk kam ku të shkoj tjetër”, tha Dervishi për mediat.
Sot familjarët e 4 familjeve që rrezikojnë të humbasin shtëpitë kanë depozituar padi në gjykatë kundër dhunës së ushtruar dje, ndërsa hallet për Blertën dhe fëmijët e saj shtohen, pot ë kihet parasysh fakti se ajo është kryefamiljare dhe nuk ka të ardhura të tjera përveç pagës si punonjëse policie.
Çfarë deklaroi dje Blerta Dervishi
Unë jam në proces legalizimi, nuk na merrnin denoncimin, unë mund të humbas punën, po nuk më shqetëson kjo gjë.
Ç’faj kemi ne? Nuk i kemi vjedhur askujt, Aleksandër Gavoci nuk është burrë, nuk është njeri, nuk është biznesmen. Jemi ulur me të në tavolinë dhe të nesërmen na sjell përmbarimi.
Unë e di që ky është një vend i lakmuar, ai thotë që këtu do vijnë njerëz VIP-a, dhe ne jemi askush, se jemi të varfër. Nuk jemi prokurorë, të gjithë mbahen me rrogën time. Shteti të vëjë dorën në zemër, sot nuk i kam çuar fëmijët në shkollë, se do mbrojnë shtëpinë, ai e ka korruptuar të gjithë, gjyqtarë dhe prokurorë.
Të gjithë gjyqtarët që kanë trajtuar çështjen tonë janë jashtë nga Vetingut, dhe ne humbasin pronën tonë, jemi brezi i katërt që lindim në këtë banesë, dhe ende na quajnë të ardhur
