Ish-deputeti i Lëvizjes Socialiste për Integrim, Petrit Vasili i është përgjigjur akuzave të bëra sot nga deputetja demokrate Rudina Hajdari, e cila në një intervistë për VoA tha se një nga arsyet pse nuk e djeg mandatin është LSI.
Gjatë intervistës Hajdari theksoi se ajo nuk mund të luftojë për votën e lirë përkrahë një partie, për të cilën në raportet e OSBE-ODHIR-it thuhet se ka shumë probleme me fenomenin e shitblerjes së votës.
‘PD po lufton për votën e lirë dhe të ndershme. Këtu edhe kam një gjë tjetër: E kam shumë të vështirë të luftoj përkrah një partie si LSI. Nuk e bëj dot sepse është një çështje parimore për mua. Po të hapësh raportet e OSBE/ ODIHR, ajo është një nga partitë që ka patur shumë probleme kur vjen fjala për këtë fenomen. Vota e lirë dhe e ndershme duhet të kërkohet nga Partia Demokratike, sepse ka rekorde jashtëzakonisht të pastra kur vjen puna për të mos e shitur votën e saj por ka vepruar në mënyrë të drejtë’ deklaronte Rudina Hajdari në një intervistë për Zërin e Amerikës.
Por menjëherë pas kësaj interviste, ka ardhur dhe reagimi i LSI me anë të vasilit, i cili në një postim në rrjete sociale thekson se askush nuk mund të drejtojë gishtin mbi LSI, pasi ka qenë kjo forcë politike sëbashku me PD që në 2017-n denoncion fenomenin e shitblerjes së votës nga PS. /Boldnews.
Ja postimi i Vasilit në Facebook:
LSI dhe PD demaskuan shitblerjen e votes ne zgjedhjet e 2017,vetem PS kishte zero pretendim!!
Kryeministri i prodhuar me votat e krimineleve ne 2017 nuk pati asnje pretendim per zgjedhjet dhe shitblerjen e votes sepse ishte frymezuesi dhe perfituesi i vetem i saj.
Meqenese ky i inkriminuar gjer ne fyt, ka dale dhe llap lart e poshte per zgjedhjet e 2017,po i kujtoj atij dhe te gjitheve si ai, produkte po njelloj te parave kriminale, se cfare thote OSBE-ODIHR ne Raportin Final per zgjedhjet politike qershor 2017.
Pas kesaj ftoj cdo personazh vendas apo te huaj te mbylle gojen dhe te mos lodhen me tej me alibine e zgjedhjeve te shkaterruara te 2017,ku LSI dhe PD u rane kembanave te alarmit per kriminalizimin dhe shitblerjen e votes dhe ku vetem e vetem PS ishte e “lumtur” me ato fare zgjedhjesh.
Lexoni ç’thote raporti i OSBE -ODIHR:
“Gjatë fushatës, pati aludime të përhapura gjerësisht për blerje të votës.
Pas ditës së zgjedhjeve, si
PD-ja edhe LSI-ja i përsëritën pretendimet e tyre pranë MVZ-së së OSBE/ODIHR-it se kishte
ndodhur një operacion masiv, i përhapur gjerësisht, për blerjen e votës.
Të dyja këto parti treguan disa
raste konkrete, por në mungesë të provave të mjaftueshme konkluduese, nuk paraqitën ndonjë ankim ligjor kundër rezultateve.
Megjithatë, ato iu përmbajtën deklaratës së tyre të palëkundur se shkalla e blerjes së votës ishte e lidhur me sasi të mëdha parash të vëna në dispozicion nga kultivimi kriminal i drogës.
Nevojiten përpjekje serioze për të trajtuar çështjen e vazhdueshme të blerjes së votës, si nëpërmjet një fushate për ndërgjegjësimin qytetar ashtu edhe nëpërmjet ndjekjes penale, me qëllim forcimin e besimit te procesi zgjedhor.
Partitë politike mund të ndërmarrin një angazhim konkret dhe të mirëfilltë për të luftuar praktikat e blerjes së votës.
Gjithashtu, një refuzim publik nga ana e politikanëve për të pranuar mbështetje financiare nga individë me të kaluar kriminale do të ndihmonte në ndërtimin e besimit të publikut në integritetin e zgjedhjeve.”
