Reҫipetat janë një prej veshjeve të përditshme që përdoren më shumë, por procesi i larjes së tyre nuk është edhe aq praktik.
Para se t’i futësh për të larë mund t’i kesh veshur disa herë të njëjtat palë, por në mënyrë që të mos dëmtohen në një kohë fare të shkurtër, duhet treguar kujdes në procesin e larjes.
Me siguri, të ka ndodhur që ato të ngatërrohen mes rrobave të tjera, madje edhe të jenë lidhur pas tyre. Tani ka një lajm të mirë. Ka disa mënyra që t’i lash në lavatriҫe pa i dëmtuar dhe kështu ato do të zgjatin edhe më shumë.
Përdor ciklin e veshjeve delicate- Laji gjithmonë reҫipetat me ciklin e veshjeve delikate. Duke i larë ngadalë, ato nuk do të dëmtohen, sepse ky proces eliminon tërhqjen. Kështu, do të ndihmosh për të ruajtur elasticitetin, pa harruar edhe të përdorësh ujin e ftohtë dhe jo të nxehtë.
Laji në një “ҫantë”- Përdor një lloj ҫante prej rrjete, e cila nuk krijon mundësi që reҫipetat të rrotullohen disa herë në lavatriҫe. Ky lloj përdorimi i ndihmon reҫipetat të lahen pa u zgjatur e pa u dëmtuar.
