Një çift miliarderësh gjeorgjianë mbajtën atë që është cilësuar si dasma më ekstravagante. Dasma e tyre të shtunën kushtoi mbi 2 milionë dollarë.
Të martuarit janë 23-vjeçari Sargis Karapetyan dhe 25-vjeçarja Salome Kinsurashvili. Dasma e tyre u mbajt në restorantin e njohur Safisa në Moskë.
Në mars të këtij viti në këtë restorant u organizua dasma luksoze e Said Gutseriev, ku kënduan Jennifer Lopez dhe Enrique Iglesias.
Por duket se kjo dasmë ka mbetur në hije nga dasma e çiftit gjeorgjian. Sargis Karapetyan është djali i Samvel Karapetyan, numri 28 në listën e rusëve më të pasur.
Ai mendohet se ka një pasuri prej 4 miliardë dollarë. Të ftuar ishin Maroon 5, që u paguan deri në 800 mijë dollarë për të performuar.
Nusja veshi tre fustane të ndryshme, mes tyre një Elle Saab dhe një Alessandra Rich. Bizhuteritë e saj nga Tiffany kushtonin minimalisht 200 mijë dollarë.
Ajo mbante një kurorë të veshur nga Carey Mulligan në filmin “Getsbi i Madh”. Torta ishte me nëntë kate, ndërsa të ftuar ishin 500 persona.
