Një situatë e pazakontë ka sjellë bllokim e qarkullimit pranë shkollës “Petro Nini Luarasi” si pasojë e një aksioni të ndërmarrë nga IMT-ja për prishjen e një banese private.
Në momentin që IMT-ja ka shkuar për të nisur nga puna, familjarët kanë rezistuar e protestuar.
Ata janë shtrirë në rrugë në shenjë proteste dhe kërkojnë që IMT-ja të ndalet.
‘Kemi vite që jemi në luftë me përbarimin ndërkohë që ne kemi fituar edhe gjyqin me pronarin, ato kanë vetëm fjalë…asgjë më shumë. Le ti sjellin letrat këtu nëse i kanë. Po kur nuk i gjetën për 25 vite nuk do gjejnë gjë tani,’ është shprehur banori.
Ndërkohë banori i indinjuar nuk ka nguruar të shajë dhe ofendojë shtetin si dhe institucionet përkatëse të drejtësisë, të cilët po abuzojnë me shqiptarët.
