“Nuk mund të vlerësojmë saktë nëse është në kushtet e ndërprerjes së mandatit. Arresti me burg në vendet e BE-së, bën që të humbasë detyrën por i drejtohemi prokurorisë për formularin dhe certifikim më të hollësishëm”.
Kjo u vendos sot nga Komisioni Qendror i Zgjedhjeve duke deklaruar se dosja e Rroshit do i kalojë Prokurorisë për kontroll.
Kjo pasi KQZ nuk mund të vlerësojë saktë nëse është në kushtet e ndërprerjes së mandatit. KQZ ka verifikuar sot formularët e vetëdeklarimit për kryebashkiakun e Kavajës, Elvis Rroshi dhe kryebashkiakun e Krujës Artur Bushi, dy prej emrave të akuzuar disa herë nga opozita si të inkriminuar, të cilët janë të pranishëm në mbledhje.
Për këtë arsye në KQZ ka qenë edhe avokati i Rroshit, Theodhori Sollaku, ish-kryeprokuror. Ndërkaq KQZ deklaron se Rroshi është i dënuar në Kavajë për armëmbajtje dhe plagosje si dhe i arrestuar për goditje për shkak të detyrës. Po kështu nga verifikimi ka rezultuar se kryebashkiaku i Kavajës ka qenë në ‘Arrest në burg’ në Gjermani në vitin 2002. Përfaqësuesi ligjor i opozitës, Njazi Kosovrasit ka pyetur KQZ, për praninë e dy kryebashkiakëve por kryetarja Luzi tha se palët që verifikohen duhet të jenë prezentë.
Debatet:
Lleshi: Nuk e kemi thirrur Rroshin të vijë të japë llogari
Lleshi: Nëse do të japë sqarime, mund ta dëgjojmë
Kosovrasti: Pse keni thirrur 2 kryebashkiakë
Luzi: Pala që verifikohet duhet të jetë prezentë
Pas debateve KQZ ka konkluduar se Rroshi nuk rezulton i dënuar, pasi ka vërtetim nga Drejtoria e Burgjeve. “Nuk mund të vlerësojmë saktë nëse është në kushtet e ndërprerjes së mandatit. Arresti me burg në vendet e BE-së, bën që të humbasë detyrën por i drejtohemi prokurorisë për formularin dhe certifikim më të hollësishëm. Dosja e Rroshit do i kalojë Prokurorisë për kontroll”, ka deklaruar KQZ.
