Akil Mazreku, i arrestuar një javë më parë pasi goditi me grushta mjekun e QSUT është lënë sot i lirë pas vendimit të Gjykatës së Tiranës.
Gjyqtari i Rrethit Gjyqësor Tiranë, Lazer Sallaku, vendosi masën arrest shtëpie për shtetasin Mazreku.
Ngjarja e rëndë ndodhi në datën 11 shkurt 2019, kur Akil Mazreku, goditi me grusht brenda mjediseve të QSUT-së, mjekun infeksionist me iniciale G.S.
Pas kësaj ai u largua menjëherë nga vendngjarja dhe policia e shpalli në kërkim duke e ndaluar pak ditë më vonë në tentativë për t’u larguar nga vendi. Pavarësisht kësaj, gjykata vendosi lirimin e tij nga burgu.
