Në protestën e grave përpara ambjenteve të Drejtorisë së Policisë së Tiranës, aktivistë dhe pjesmarrës të shoqërisë civile kanë ngritur zërin kundër abuzimeve dhe diskriminit ndaj femrave në Shqiëpri.
Në fjalën e mbajtur, një ndër vajzat që protestonte tregoi historinë e saj të tmerrshme, pasojat e të cilës ajo i vuan ende sot e kësaj dite.
Ajo tregoi për mediat se ishte përdhunuar në moshën 12 vjecare ndërkohë që abuzuesi është lënë i lirë nga drejtësia shqiptare duke i shkaktuar një tmerr akoma edhe më të madh. Ajo shprehet se edhe sot ka ende frikë të lëvizë rrugëve pasi ngjarja e ndodhur kur ishte ende e mitur ka lënë pasoja që i vuan akoma.
‘’Jam përdhunuar në moshën 12-vjeçare, autori është sot i lirë, për çfarë duhet të festoj unë sot?! Sot jam 17-vjeçe, autori më kërcënon sot me jetë, unë sot kam frikë që të dal në rrugë, kam frikë që të shkoj në dyqan”, u shpreh e reja.
