Gjykata e Tiranës ka vendosur kundër kërkesës së prokurorisë, duke lënë të lirë 8 të arrestuarit e protestës së 5 Marsit para Parlamentit. Gjykata vendosi “detyrim paraqitje” për Lorenc Bezatin, Ervis Gasprin, Adi Mecjën, Ervin Cekën, Lulzim Dacin, Armando Prendin, Miklovan Ndreun dhe Nikoll Cepën.
Ndërkohë, që organi i akuzës kishte kërkuar arrest me burg.
Policia njoftoi se kreu arrestimet, pasi ata kundërshtuan, goditën me gurë, shkopinj dhe lëndë plasëse forcat e rendit. Arrestimet u bënë pas këqyrjes së pamjeve filmike.
Opozita e bashkuar ka njoftuar se protestën e radhës do e mbajë në 16 Mars. /BN/
