Edhe pse u konsiderua si një histori suksesi, kompania e fluturimeve Air Albania, u propagandua me shumë bujë edhe nga qeveria.
Për të shuar zërat e skandalit lidhur me këtë kompani, kreu i qeverisë Edi Rama vetëm një muaj më parë deklaroi se fluturimet e Air Albania do të fillojnë së shpejti. Të njëjtën gjë e pohuan edhe zëra pranë qeverisë të cilët me luftën e tyre propaganduese përmes fotove dhe statuseve në rrjetet sociale u munduan tu mbushnin mendjen shqiptarëve për suksesin e linjës ajrore.
Pamjet e disponuara nga Boldnews.al tregojnë se historia e suksesit të kësaj kompanie nuk është tjetër vecse një kështjellë rëre e ngritur mes tymnajave të mashtrimeve. Në zyrat e kësaj kompanie nuk ka asgjë tjetër përveç xhamave, mureve dhe logos së ‘madhërishme’ që mban emrin Air Albania.