Është kthyer në një traditë tashmë, ku edhe pse trumpetohet për solidarizim në Ditën Ndërkomëbtare të Gruas, femrat në Shqipëri kanë ende nevojë të ‘çlodhen’.
Përtej mesazheve nga politika apo shoqëria, 8 Marsi në Shqipëri është thjeshtë një ditë më shumë në kalendarin festiv. Dita nis qetësisht me buqeta lulesh apo edhe dhurata duke vazhduar me një drekë me mikeshat për të përfunduar në shfrenimin e shumëpritur.
Në klubet e kryeqytetit, edhe pse zhurma dhe atmosfera nuk mungon asnjë fundjavë, mbrëmjen e 8 Marsit ka më shumë aktivitet se në cdo natë tjetër. Meshkuj të palestruar, qofshi balerinë apo sportista përgjithësisht me kombësi të huaj, zhvishen përpara klientëve që këtë mbrëmje janë vetëm femra.
Të paguar për të eksituar femrat në ditën e tyre të festës, meshkuj me trupa të formuar e pa komplekse, do të udhëheqin turmat e femrave, që siç ka treguar tradita, e presin me padurim këtë natë.
Nuk dihet nëse edhe këtë 8 Mars, këto organizime do të kenë sërish të njëjtin intensitet, megjithatë një gjë është pak por e sigurtë: në Shqipëri femrat kanë ende nevojë për vëmendje dhe manifestime të tilla e dëshmojnë akoma më shumë dëfrimin e dëshpëruar me të cilin ato ngushëllojnë veten për të gjitha ditët e tjera të vitit. /Boldnews.al/
