Ish-kryeministri, Sali Berisha është shprehur se beteja e opozitës për zgjedhje të lira është në harmoni me vlerat themelore të shoqërive demokratike.
“Ndërkombëtarët duhet ta ketë të qartë se ne po luftojnë për ato vlera që janë themelore për shoqëritë e tyre. Ne do e fitojmë këtë betejë. Kjo betejë nuk synon kundër ndërkombëtareve. Përkundrazi, synon që ta bëjë bashkëpunimin me ndërkombëtaret një bashkëpunim dinjitoz të bazuar në vlera dhe jo në transaksione dhe fëlliqësira”, u shpreh Berisha gjatë një interviste televizive.
Duke folur për emisionin “Target”, në AlMaKos TV, ish-kryeministri tha se opozita ka fakte për korrupsionin e kreut të qeverisë, Edi Rama.
Duket se ndërkombëtarët janë kudër këtyre protestave. A keni argumente shtesë për ti bindur ata se kryeministri Edi Rama është i kapur keq në rrjetin me mafioz dhe keqpërdorimin e pushtetit?
Berisha: Ne kemi me dhjetëra dhe qindra argumente, por natyrisht problemi im me ndërkombëtaret është ky: Ndërkombëtarët Nuk kundërshtojnë dot se janë me fakte, akuzat tona për lidhjet e Ramës me drogën, me krimin, qeverisë së tij, sepse kur flisnim ne për kanabizimin e gjithë Shqipërisë shumica e tyre heshtte, por historia provoi se ne kishim të drejtë. Kur flisnin ne dhe kur flasim për korrupsionin… Vetëm një fakt do iu jap. Këtu te Ura e Limuthit, quhet një zonë aty fushë, ndërtohet autostradë me 22 milion euro/km me kontratë shtetërore. Në një kohë kur By Pass-i i Fierit po në fushë dhe me vepra arti të mëdha ndërtohet me 2.2 mln/km, sepse atë e ndërton banka Eurpoiane e Investimeve, Banka për Ndërtim dhe Zhvillim e Europës, kurse këtë e ndërton Edi Rama me klientelën që ndan paratë. Pra ne kemi fakte të pafundme. Ose, ky ndërton në fushë autostradë me 20 mln euro/km kur vetëm në 2013 është dertuar tuneli, tuneli i Kërrabës me 16 mln euro/km. Pra vjedhjet janë të shkallës së pallogaritshme që bën kjo qeveri. Ne i kemi këto, ne i kemi lidhjet e Ramës dhe familjarëve të tij me klanet e drogës dhe krimit. Por, më kryesore për ne është vota e lirë, është dokumentimi që iu bë në dosjen 339. Këtu, ndërkombëtarët duhet ta ketë të qartë se ne po luftojnë për ato vlera që janë themelore për shoqërinë e tyre. Ne do e fitojmë këtë betejë. Kjo betejë nuk synon kundër ndërkombëtareve. Përkundrazi, synojnë që ta bëjë bashkëpunimin me ndërkombëtarët, një bashkëpunim dinjitoz të bazuar në vlera dhe jo në transaksione dhe fëlliqësira. /Boldnews.al/