Protesta e shqiptarëve dhe të opozitës kundër krimit, korrupsionit dhe drogës që ka kapur shtetin, bënë jehonë në mbarë mediat botërore, duke ju dhënë një rëndësi e veçantë. Por këto protesta nuk patën të njëjtin impakt për ‘artistët’ shqiptarë.
Tenori, Saimir Pirgu, do të deklaronte në ‘Samitin e Diasporës’, pas ftesës së Ramës, se atij do t’i duheshin 200 mijë koncerte për të pastruar imazhin e një gome të djegur para parlamentit, pasi shqiptarët e shtypur tentuan të ngrenë kokë.
Deklaratë të cilën vetë Pirgu u mundua ta rregullonte ditë më vonë, pas një lumë kritikash dhe komentesh nga më intelektuali e deri tek shqiptari më i thjeshtë, të cilët i dhanë shembuj se në vende edhe më të zhvilluara se Shqipëria, siç është Franca, apo Greqia, nuk janë djegur vetëm goma, por janë ndezur zjarre edhe më të mëdha, për të nxjerrë të gjithë inatin e tyre ndaj padrejtësive dhe shkeljeve që u janë bërë nga pushteti.
Por goditjen më të rëndë Pirgut, ja dha vetë miku i tij, kryeministri Edi Rama.
Ishte pikërisht postimi i fundit i Ramës në twitter, i cili u bë menjëherë meme në rrjetet sociale.
Nëse Pirgut i duhen 200 mijë koncerte për të pastruar një gomë të djegur, Ramës i duhen vetëm 24 orë dhe 4-5 intervista në Itali për të pastruar pluhurin që ka mbuluar vendin. /Boldnews.
