Shqiptarëve po u rrezikohet jeta çdo ditë e më shumë nga ushqimet e pakontrolluara, të cilat ju ndërrohet data e skadencës dhe rihidhen sërish në treg.
Në redaksinë e Boldnews, ka mbërritur një tjetër denoncim, ku qytetari tregon me foto se si ushqime të cilat janë brenda datës së skadencës, dalin të mykura.
Siç shihet edhe në foton e mbërritur në postën elektronike të Boldnews, një produket i blerë në rrjetin e supermarketeve CONAD, i cili rezulton të jetë brenda datës së skadencës (Shih FOTO-n), pasi është hapur, ka rezultuar i mykur.
‘Pershendetje! Desha te bej nje denoncim per shitjen e ptodukteve te skaduara ne supermarketin Conad. Produkti eshte brenda dates se skadences dhe krejtesisht i skaduar. Produkti eshte blere prane supermarketit ne Rr”Kavajes” dhe nuk mbajne asnje pergjegjesi. Ju ftoj te ndergjegjesoni konsumatoret sepse jo vetem tregtojne produkte me te shtrenjta sesa ne te gjithe Europen, por po na helmojne dhe nuk mbajne asnje pergjegjesi para ligjit’, shrkuan denoncuesi në mesazhin e tij.
Nuk është hera e parë që në redaksinë e Boldnews qytetarët kanë denoncuar rrjetin e supermarketeve CONAD për ndryshimin e datës së skadencës së produkteve, dhe më pas rihedhjen e tyre në treg.
Të gjitha denoncimet e qytetarëve për falsifikimi të datës së skadencës janë bërë publike nga Boldnews, pasi shëndeti i qytetarëve është më i rëndësishmi për ne.
