Kryebashkiaku Nesim Spahiu ka udhëhequr protestën e qytetarëve të Skraparit, në një kohë kur bashkia vijon të vuajë mungesën e buxhetit dhe ofrimin e shërbimeve për shkak të bllokimit të bxhetit.
Ky është një rast i papreccedentë kur një bashki lihet pa buxhet, ndërsa kryebashkiaku akuzon qeverinë dhe këshilltarët e Rilindjes.
Protesta është zhvilluar në sheshin përpara Zyrës së Thesarit në këtë qytet, duke protestuar kundër bllokimit të buxhetit.
Ish-deputetja e opozitës Silva Caka, e cila iu bashkua protestës, bëri përgjegjës për këtë situatë Ministren e Financave dhe deputetin e PS-së për këtë zonë Arbnor Shameti.
Bllokimi i buxhetit ka detyruar bashkinë e Skraparit të mbyllë disa shërbime, si çerdhe, konviktin e nxënësve apo dhe Qendrën e Fëmijëve me Aftësi Ndryshe, Shërbimin e Pastrimit dhe gjithë shërbimet.
Prej dy muajsh Skrapari vuan mungesën e buxhetit, ndërsa ccështja pritet të zgjidhet nga gjykata.
“I bëj thirrje ministrit Blendi Klosi, që si i dërguar i PS-së, se në Qarkun e Beratit mban në punë si drejtues i Zonave të Mbrojtura në Skrapar, një njeri me diplomë të falsifikuar, person i cili po mban peng buxhetin si kryetar i këshillit bashkiak”, tha Caka, sipas të cilës edhe Edi Rama mban përgjegjësi për mosushtrimin e kompetencave të tij.
