Prokuroria e Përgjithshme ka shpallur vakancën për postin e anëtarët të Këshillit të Lartë të Prokurorisë, pas shkarkimit nga detyra të prokurores, Antoneta Sevdari.
Në vendimin e firmosur nga Arta Marku thuhet se Antoneta Sevdari ka mbajtur postin e anëtares së KLP-së e zgjedhur nga Prokurorët e Shkallës së Parë.
Ajo i ka bërë thirrje të gjithë prokurorëve që të dorëzojnë aplikimet për këtë vend vakant brenda 15 ditëve.
Pak ditë më parë, Sevdari I është drejtuar me një letër të hapur ndërkombëtarëve lidhur me moskonfirmimin në detyrë.
Sevdari shkruan se ka dyshime që Vettingu po shndërrohet në një proces të korruptuar. Sipas saj vendimi i KPK-së për shkarkimin nga detyra i ka shkaktuar tronditje.
Komisioneri Publik kishte ankimuar të ardhurat e bashkëshortit të Sevdarit të fituara në Greqi dhe Arabi Saudite.
