Gjithkush e ka tejkaluar masën të paktën një herë në jetën e tij. Ndoshta e keni ngritur pak bërrylin, duke pirë birrë më shumë … dhe keni filluar të flisni në anglisht, në frëngjisht. Me pak fjalë, të gjitha gjuhët e huaja që njihni.
Megjithatë, ishit të habitur për një gjë: ju folët shumë mirë në atë gjuhë të huaj, ashtu siç nuk kishte ndodhur kurrë me ju. Pse? Cila është arsyeja dhe pse lidhet ngushtë me alkoolin?
Pika e parë është siguria. Pija na bën më të lirshëm, na bën të ndihemi më të sigurt për veten tonë. Edhe ata me vetëbesim të ulët, me një pikë birrë, ndihen shumë më të sigurt te vetja. Për rrjedhojë, ne nuk kemi frikë në atë moment që të gjykohemi.
Ky hulumtim u botua në Journal of Psychopharmacology. Studiuesit kanë vendosur të kryejnë një studim me një grup të kufizuar prej 50 personash, për të vëzhguar efektet e kësaj substance në tru.
Studimi konfirmoi se alkooli të ndihmon të flasësh rrjedhshëm gjuhë të huaja
Megjithatë, një studim që daton në vitin 1972 kishte zbuluar pjesërisht efektet e kësaj substance në te ne, duke zbuluar se si na ndihmon pija në mënyrë që të heqim dorë nga paragjykimet dhe ankthet.
Natyrisht, ne nuk mund të ekzagjerojmë në asnjë mënyrë me marrjen e kësaj substance dhe, me të vërtetë, duhet të jemi shumë të kujdesshëm që të mos bëhemi të varur nga kjo. Sepse, në fund, kur efektet e saj ikin, do të kthehemi ashtu si më parë.
Çfarë na mëson ky studim?
Përgjigjja është e thjeshtë: ne jemi të mbërthyer nga frikërat tona dhe ankthet tona. Ne e gjejmë veten në një labirint: edhe nëse dimë se si ta bëjmë një gjë mirë, ankthi i bërjes së gabimeve na shtyn për ta bërë keq. Prandaj, duhet të kemi një shteg për të qenë më të sigurt për veten tonë. Sepse ne kemi potencial të madh, por nuk jemi kurrë të sigurtë se mund ta provojmë.
Pra, ne kemi vetëm një zgjedhje: të punojmë me veten, të sfidojmë vetëbesimin e ulët dhe të shkëlqejmë.
