Një paralajmërim vjen nga kryetarja e Lëvizjes Socialiste për Integrim.
Monika Kryemadhi gjatë një takimi me strukturat e LRI-së, në njësin dy në kryeqytet, ka njoftuar të pranishmit të bëhen gati sepse zgjedhjet e parakohëshme do të mbahen në fund të majit.
Ndër të tjera Kryemadhi shtoi se LSI është një forcë e besueshme për qytetarët dhe ju bëri thirrje të mos intimidohen.
“Mos u demoralizoni nga reagimet dhe deklaratat e ndërkombëtarëve. Mos hezitoni. Ne jemi një forcë e besuar tek qytetarët. Terreni është i juaji, hapësirat janë tuajat. Mos ndaloni, mos u ndikoni nga çdo lloj intimidimi që mund t’ju bëhet. Shkoni në terren, flisni me njerëzit dhe shtroni terrenin për zgjedhjet e Përgjithshme që do të zhvillohen në fund të Majit. Mos u habisni, në fund të Majit do të ketë zgjedhje të parakohshme”,– deklaroi Kryemadhi
