Policia britanike ka shpallur në kërkim shqiptarin, Ali Qazimaj, 42 vjeç pasi dyshohet se ka vrarë prindërit e shokut të tij.
Peter Stuart, 75 vjeç dyshohet se është vrarë me thikë nga shqiptari, ndërkohë gruaja e tij rezulton e zhdukur. Sipas policisë britanike Qazimaj dyshohet se është përgjegjës për zhdukjen e gruas, Silvia,69 vjeçe, e cila mund të jetë gjallë në duare tij.
Deri më tani nuk gjendet asnjë shenjë e tij në Britani, shkruan “The Sun”.
Ka dyshime të forta se Qazimaj është arratisur në Francë dhe prej andej do të tentojë të kthehet në Shqipëri.
Policia e Kentit ka gjetur automjetin e tij Citroen C3 të braktisur në portin e Doverit. Kjo ngre dyshime se ai mund të ketë shkuar në Francë. Policia ka arrestuar djalin e çiftit, i cili dyshohet se është bashkëpunëtor i Qazimajt në vrasjen e tyre. Ka dyshime se gjithçka është bërë për një apartament, që djali i çiftit kërkonte ta përvetësonte. Dëshmitarët thonë se para vrasjes, Qazimaj kishte shprehur dëshirën për t’u kthyer në Shqipëri
