Terrorizohet Stambolli/ Sulm ndaj policisë, 11 të vdekur dhe 36 të plagosur

Të paktën 11 të vdekur dhe 36 të plagosur është bilanci paraprak si pasojë e një shpërthimi në qendër të Stambollit.

Media prestigjoze BBC raporton se shpëthimi ka ndodhur ndërkohë që një makinë policie po kalonte pranë zonës së populluar së Vezneciler.

Mësohet se në shënjestër të sulmit me bombë ka qenë makina e policisë. Ngjarja ka ndodhur në orët e para të mëngjesit në qendër Stambollit, në zonën e Vezneciler, pranë një stacioni autobusi.

Sulmi ka ndodhur në një pjesë historike të qytetit, ku ka një lëvizje të lartë turistësh.
Ende askush nuk ka marrë përgjegjësinë në lidhje me këtë ngjarje.