Një burrë ka vrarë gruan e tij vetëm një javë pas dasmës së tyre, sepse ajo harroi t’i karikonte telefonin e tij. Samir Gabibov, 34 vjeç, thuhet se i tha policisë se vrau Gyulnara Velieva, 23 vjeçe, aksidentalisht.
Ai pohoi se gjatë një zënke e shtyu gruan, e cila goditi kokën dhe vdiq në shtëpinë e tyre në Shën Petersburg, Rusi.
Raportohet se burri humbi durimin, kur gruaja nuk i kishte karikuar telefonin. Madje mësohet se Gabibov e kishte mbështjellë në qese trupin e gruas së tij, e i kishte kërkuar ndihmë vëllait të tij për ta lëvizur qesen, pa i treguar se çfarë kishte brenda, duke pretenduar se gruaja e tij ishte në gjumë lart.
Gabibov i tha policisë se ai dhe vëllai i tij e hodhën qesen në fshat, më pas ai u kthye vetëm me biçikletë duke e varrosur trupin e së shoqes 11 milje në një pyll.
Më pas Gabibov e çoi policinë në pyll ku gjetën me vështirësi trupin e gruas së ndjerë. Trupi është dërguar për autopsi dhe rezultatet mund të duan kohë sepse trupi ishte varrosur më shumë se një muaj.
Gabibov akuzohet për vrasje dhe mund të përballet me 15 vjet burg nëse shpallet fajtor.
Burimi: DailyStar
