Këngëtarja me origjinë shqiptare, Dua Lipa, fituese e dy çmimeve Grammy, ka shënuar një tjetër sukses së fundmi, duke u përzgjedhur imazhi i markës së njohur të xhinseve “Pepe Jeans London”.
Përmes një postimi në Instagram, Dua është shprehur e lumtur që është përzgjedhur për këtë fushatë.
“E emocionuar ju njoftoj se unë jam fytyra e re e fushatës “Pepe Jeans London” e realizuar nga David Sims. Jam shumë e lumtur që do të punoj me një markë me bazë në qytetin ku unë u rrita, Londër dhe do të jem muzikantja e parë në këtë fushate”, ka shkruar Lipa.
Artistja shqiptare me famë ndërkombëtare ka publikuar disa foto dhe video në rrjetet sociale, teksa shihet duke reklamuar xhinset londineze.
https://www.instagram.com/p/BuVuBlghEP-/
https://www.instagram.com/p/BuWFopOhDv6/
https://www.instagram.com/p/BuWbvaIhvhn/
Dua Lipa është bërë artistja e parë shqiptare që fiton çmimin “Grammy”, në eventin më të madh muzikor të botës. Ylli i muzikës ka fituar çmimin “Artistja më e mirë e re” dhe në kategorinë “Kënga më e mirë në zhanrin dance”, në të cilën ka garuar me këngën “Electricity”, në bashkëpunim me Mark Ronson dhe Diplon.
https://www.instagram.com/p/BuOtIgohsVb/
