Një zjarr i madh ka rënë në stacionin kryesor hekurudhor të kryeqytetit t ë Egjiptit, Kajros.
Mësohet se 12 veta kanë humbur jetën, dhjetëra forca zjarrfikëse dhe ambulanca vrapuan drejt vendit të ngjarjes.
Forcat e sigurisë thanë se zjarri shpërtheu kur një tren goditi një nga platformat e Stacionit Ramses.
“Po qëndroja në platformë dhe pashë trenin që po vinte me shpejtësi – tha një dëshmitar, Mina Ghaly për Reuters. – Të gjithë filluan të vraponin, por shumë njerëz vdiqën pasi lokomotiva shpërtheu.
Sistemi hekurudhor i Egjiptit ka siguri të ulët dhe shumë njerëz fajësojnë mungesën e investimeve nga qeveria dhe menaxhimin e dobët.
Në gusht 2017, 43 njerëz u vranë dhe më shumë se 100 u plagosën kur dy trena pasagjerësh u përplasën jashtë qytetit port të Aleksandrisë.
Aksidenti më i rëndë hekurudhor në vend ndodhi pranë Kajros në vitin 2002, kur një zjarr shpërtheu mespërmes një treni të tejmbushur em pasagjerë, duke shkaktuar vdekjen e 350 pasagjerëve.
