Një zjarr i madh ka përfshirë fshatin Lapaluc të Mallakastrës dhe si pasojë janë djegur rreth 10 hektarë tokë, e mbjellë me ullinj.
Flakët vazhdojnë akoma që të kërcënojnë edhe pemë të tjera, teksa numri i pemëve të djegura deri më tani flitet të jetë mbi 2000.
Në vendngjarje kanë mbërritur zjarrfikëse nga Mallakastra dhe Patosi të cilët po punojnë për neutralizimin e zjarrit që ndihmohet nga era.
Gjithashtu edhe terreni i vështirë e ka bërë thuajse të pamundur ndërhyrjen e zjarrfikësve. Nuk dihen ende shkaqet dhe motivet e zjarrit.
