Gianni Alemanno, kryetar i Bashkisë së Romës nga viti 2008 deri në 2013 u dënua sot me gjashtë vite burg për korrupsion, si pjesë e skandalit “Mafia e Kryeqytetit” mbi infiltrimin mafioz në administratën e kryqytetit italian.
Unë jam i pafajshëm, e kam thënë gjithnjë dhe do ta përsëris para gjyqtarëve në Apel. Ne do të paraqesim me siguri një rekurs sapo të lexojmë vendimet e gjykimit të shkallës së parë”, u shpreh për median Alemanno.
Ky proces gjyqësor vjen pas bërjes publike të skandalit ‘’Mafia e Kryeqytetit’’ që tronditi mbarë opinionin publik italian në 2015. Hetimi zbuloi një rrjet të gjerë, ku janë të përfshirë 46 persona, kriminelë por edhe biznesmenë dhe politikanë që kanë korruptuar bashkinë e Romës.
Kreu i këtij rrjeti ishte Massimo Carminati, një ish-aktivist i ekstremit të djathtë i dënuar më parë si pjesëtar i një grupi kriminal të kryeqytetit në vitet ’80.
