Në këtë shkrim zbulohen lidhjet e grupit të Sarandës me punonjës policie brenda komisariatit të qytetit bregdetar për ndihmën në trafikimin e hashashit në këmbë drejt kufirit të gjelbërt me greqinë, rolin e prokurorisë së krimeve të rënda dhe kordinimi i zyrave qëndrore të policisë për kapjen e trafikënatëve.
Materiali i Prokurorisë së Krimeve të Rënda
Si subjekt që bëhet pjestar i grupit të personave që merreshin me veprimtarinë në fushën e narkotikëve ndër të tjera rezulton edhe i dyshuari Klement Domeri dhe lidhjet e tij. Veprimtaria e tij nis herët dhe duke qene se kishte të dhëna për përfshirjen e tij në këtë veprimtari, ndaj tij dhe lidhjeve shoqërore që kishte dyshime për përfshirjen e tyre në trafikimin e lëndëve narkotike u kryen hetime.
Kështu me datën 15 Shtator 2018 Shërbimet e Policisë Gjyqësore të Komisariatit të Policisë Sarandë, kanë arrestuar në flagrancë shtetasit Alment Bakullati dhe Klement Domeri pasi po tentonin të trafikonin për në Greqi nëpërmjet kufirit të gjelbërt një sasi lënde narkotike e llojit kanabis sativa prej 33.4kg. Duke patur parasysh të dhëna për përfshirjen e tij në veprimtari kriminal të trafikimit të lëndëve narkotike ai është mbajtur në përgjim (si telefonik ashtu edhe vëzhgimi dhe përgjim ambjental).
Lexo edhe: “Volvo 4”/ Zbardhen përgjimet: “Salcë dhe ven”, kodet e grupit të Sarandës dhe Fierit për drogën
Personi në fjalë ndër të tjera rezulton të ketë përdorur numrin celular 0695308808. Nga përgjimet telefonike ndërmjet numrave 0695308808 (në përdorim nga Klement Domeri) dhe 0699918054, i paidentifikuar deri më tani ndër të tjera rezulton: …Sa të kalojnë ata dy makinat ec me shpejtësinë e erës/OK…”/ora11:14 : Jepi gaz, hajde me këmbë , hajde me motorr/Po unë e lashë/ Po hajde e ke afër/Po afër/ Po hajde jepi gaz/ ora 18:06, kur të vish tek stalla kthehu tek ullinjtë…/Kaloj dot tek ullinjtë>/ Më lart/ Ok.
Me datën 09 Shtator 2018 ora 11:34 +808 komunikon me numrin 0698632645“Mos e mbyll telefonin, ikni me vrap lëvizni…/shiko se erdhi ai me makinën e kuqe është ai që vjen përherë…/
Me datën 15 Shtator 2018 ora 09:47 shtetasi Jasin Abdul (punonjës Policie në Sarandë) që ka në përdorim numrin celular 0695599461, komunikon me Klement Domerin, përdorues i numrit 0695308808: “..Në rregull për nja një orë je i lirë të pijmë naj birrë/ dilni shpejtë, ikni shpejtë se erdhëm ne të tjerët|/
Me datën 15 Shtator 2018 ora 09:49 Polici Jasin Abdul komunikon me Klement Domerin “Jam lart unë/ … 10 minuta nuk e shtynë dot/ … po hë shpejtë e shpejtë” . Ora 09:51 Jasin Abdul komunikon përsëri me Klement Domerin në numrin e tij 0695308808: “Dil shpejtë lëre “djalin” atje e dil shpejtë”.
Më datë 15.09.2018 ora 18:40, Jasin Avdul komunikon me përdoruesin e numri celular 0694118208: “Më tha Gjoni/ .. hë more kapo.. ditën apo natën je??? / Ditën, natën.. do të marr atë shefin atje poshtë…/ ku është? / tek Qafa e Malit … erdha në vilë!!/ Zhurmë e madhe cbëhet andej…/ morën atë Kelin dhe atë të Bexhetit , Aldon /Uahhh.. /ishin ata të trafiqeve .. e kishin zënë atje poshtë….”
Nga sa më sipër ndër të tjera rezulton se Jasin Abdul, duke qenë punonjës policie interesohet për mbarvajtjen e punës (lidhur me narkotikët) të të dyshuarit Klement Domeri, me të cilin lënë të takohen nga afër.Ditën e ngjarjes kur Klement Domeri sëbashku me bashkëpunëtorët e tij po përgatiste trafikimin e një sasie lënde narkotik në drejtim të Greqisë, por në ndjekje të tyre vihen forcat e policisë kundër trafiqeve, Jasin Avdul ishte i shqetësuar. Ai njofton menjëherë Klement Domerin se ishin nisur për të shkuar në drejtim të tij dhe se duhet të merrte masa që të mos gjendej as ai as lënda narkotike. Ai komunikon në mënyrë të vazhdueshme duke i treguar rrugën nga po shkonte policia dhe se duhej të fshihje sa më shpejt. Në kushte të yilla ai ka vepruar në kundërshtim me përmbushjen e rregullt të detyrës, pasi jo vetëm që nuk e ka ndjekur për të kapur Klement Domerin por e njofton vazhdimisht që të fshihej dhe të mos kapej , duke konsumuar kështu elemëntët e veprës penale të parashikuar nga neni 248 i Kodit Penal.
Pas arrestimit të Klement Domerit dhe Alment Bakullatit, Jasin Abdul interesohet se çfarë kishte ndodhur dhe kur e vë në dijeni një punonjës policie, shqetësohet për këtë fakt duke theksuar se atë e arrestuan ata të trafiqeve (dhe jo kolegët e tij, pasi kishin mbrojtjen e këtij të fundit).
/Sosnews.al/
