Ministrja e Shtetit për Parlamentin, Elisa Spiropali, ka regauar lidhur me dorëzimin e mandateve të deputetëve të opozitës, por edhe për përjashtimin e Myslim Murrizit, pasi ky i fundit nuk pranoi vendimin politik të PD-së.
Spiropali ka vijuar akuzat ndaj opozitës, duke folur për reformën në drejtësi, edhe pse me vendimin e marrë, duke dorëzuar mandatet, asnjë prej ligjvënësve të opozitës nuk gëzon më mbrojtjen që kishin kur ishin deputetë.
“Për të vajtuar me kujë e për të qeshur me lot, ky teatër i madh dëshpërimi nga pafuqia për të fituar zgjedhjet e radhës dhe frikë nga pjella e mallkuar e reformës në drejtësi, prokuroria speciale antikorrupsion! E cila pasi u del ne ëndërr qyshse u detyruan të votojnë reformën, u është bërë hije tani që i erdhi ora te lindë prej vërteti”, tha Spiropali.
