Kreu i Partisë Republikane, Fatmir Mediu, sqaroi të vërtetën në lidhje me dorëzimin e mandatit të deputetit. Mediu tha për “Ora News” se, ndodhet në Vjenë dhe sapo të kthehet në Tiranë, do të firmosë dokumentin njësoj si deputetët e tjerë të opozitës.
Pjesë nga intervista:
Është përfolur në media se ju nuk keni dorëzuar mandatin tuaj?
Mediu: Unë kam dy ditë në Vjenë. Kjo është qesharake. Unë kam bërë një deklaratë si deputetët e tjerë të opozitës. Mandati im është mandati i qytetarëve demokratë. Nuk është vënë ndonjëherë në diskutim ajo çka kërkojnë dhe vendosin qytetarët. Unë nuk kam mandat. Në momentin e parë që do të jem në Tiranë do të kryej të gjitha aktet formale për ta bërë. E kam bërë deklarative publike dhe do formalizojë. Nuk ka mundësi që nga Vjena për ta bërë, sepse ligjërisht nuk do të ishte e qëndrueshme.
Jam këtu për të përfaqësuar zërin e opozitës dhe të qytetarëve dhe sa të kthehem do të bëj të njëjtin veprim si kolegët e mi. Vendimi im është i koordinuar me zt.Basha.
-Vetëm pak minuta më parë DASH ka bërë një deklaratë për mos lënien e mandateve. Ju si e shihni?
Mediu: Ka një shqetësim ndërkombëtar sepse Parlamentin futet në ngërç, por ngërçi i parë është kur Parlamenti është i manipuluar dhe jo i dalë nga zgjedhjet e lira. Nuk mendoj se qytetarët shqiptarë duan një Parlament fasadë, i cili u shërben interesave korruptive dhe kriminale por një Parlament i zgjedhur nga qytetarët.
