Profesioni i gazetarisë është një ndër profesionet më të bukura por dhe ndër më të vështira pasi ndonjëherë të duhet të besh sakrifica.
Si rasti i Orinda Hutës, e cila është ngjitur në skelat e një pallati për të parë më nga afër veprën e artit që ka mbuluar fasadën e tij.
Moderatorja publikoi një foto nga momenti kur ngjitet dhe zbret nga skelat, ndërsa tregon se nuk e kishte aspak të lehtë.
“E thonë pastaj që zbritja është më e kollaj, në skelë është e sikletshme”, shkruan Orinda.
E veshur me xhinse, atlete dhe jelekun e punëtorëve, moderatorja na dëshmon sesa e vështirë që është të bësh këtë veprim.
Kjo vepër arti mbulon një pallat në zonën e Tiranës së Re, duke i dhënë një pamje komplet tjetër.
