Nga Boldnews.al
Në përfundim të protestës së sotme nga opozita, kreu demokrat Lulzim Basha po zhvillon një takim në selinë e PD me drejtues të partive opozitare, përfshi këtu edhe Monika Kryemadhin.
Gjithashtu në takim është i pranishëm edhe ish-kryeministri Berisha.
Burime nga PD konfirmojnë se në këtë takim po diskutohet strategjia që do të ndjekë opozita me protesta të njëpasnjëshme në të gjithë vendin. Mësohet se protestat do të shtrihen në të gjitha bashkitë kryesore në formën e mosbindjes civile duke bllokuar akse rrugore kombëtare dhe ndërqytetëse.
Ndërkohë mësohet se kreu demokrat pritet të zhvillojë një tur takimesh jashtë vendit, ku takimet e para do të jenë në Vjenë me drejtues të OSBE.
Sqarimi i qëndrimeve të opozitës dhe aksioni opozitar që do të ndërmerren në ditët në vijim pritet të jenë dy nga çështjet që opozita të sqarojë me faktorin ndërkombëtar.
