Prej mbasdites së sotme, deputetët e Partisë Demokratike nisën firmosjen për dorëheqjen nga mandati i deputetit. Pjesë e atyre që po hedhin firmat janë edhe ata që kanë qenë në listën e kësaj force politike në garën e zgjedhjeve të përgjithshme të vitit 2017.
Por në Këshillin Kombëtar të Partisë Demokratike ditën e sotme mungonte vajza e Azem Hajdarit, Rudina Hajdari dhe nuk e ka firmosur ende dorëheqjen nga mandati si deputete, pasi ndodhet jashtë vendit.
Kujtojmë se Rudina Hajdari në 8 dhjetor 2018 në Ditën e Rinisë, gjatë kohës që zhvillohej protesta e studentëve, tha para të pranishmëve se ishte e gatshme që të linte mandatin për t’iu bashkuar protestës së tyre.
Këshilli Kombëtarë i Partisë Demokratike vendosi sot unanimisht pro propozimi të bërë nga kreu i PD-së Lulzim Basha dhe i votuar me votë unanime nga grupi parlamentarë për djegien e mandateve.
Mësohet se deklarata e dorëheqjes së mandateve do ti dërgohen Kuvendit ku do të finalizohet edhe i gjithë procesi, ku më pas çështja do ti kalojë Komisionit Qëndror të zgjedhjeve.
Po ashtu dhe deputetët e LSI-së kanë fimosur dorëheqjen nga mandati si deputetë, veç Lefter Kokës i cili ka dalë kundër vendimit të partisë.
