Laila, 38-vjeç, vajza e tetë e Muhamed Ali, me gruan e tij të tretë Veronica Porsche, disa orë para vdekjes së të atit ka postuar në Facebook një fotografi të fëmijës së saj në krahët e legjendës së boksit.
“E adhuroj këtë foto të babait tim dhe vajzës sime Sidney kur ishte e vogël! Faleminderit për gjithë dashurinë dhe vëmendjen tuaj. Ndjej dashurinë tuaj dhe e vlerësoj”, shkruan Laila.
Laila është e vetmja nga nëntë fëmijët e Ali që ka trashëguar pasionin e të atit.
Pas diplomimit në “menaxhimin biznesi” në “Santa Monica”, ajo filloi të punojë si estetiste dhe më pas hapi një sallon bukurie.
Deri sa në vitin 1996 ajo sheh në TV një takim mes boksiereve Christy Martin dhe Deirdre Gogarty dhe vendos të ndryshojë drejtim tërësisht.
Kur ia komunikon të atit vendimin, para se ta bënte publike në emisionin “Good Morning America”, Ali nuk ishte shumë i kënaqur me zgjedhjen, por ajo e siguron duke i thënë se “kam trashëguar gjenet e tua”, raporton Syri.net.
Në vitin 2002, ajo u bë kampione botërore e peshave të mesme dhe dy vjet më vonë, kampione e peshave të lehta.
Në viti, 2007, ajo u tërhoq e pamposhtur, duke fituar të 24 takimet, 21 prej tyre me KO.
Pas kësaj, Laila nisi një karrierë në televizion.
