Analisti Dritan Kaba, ka reaguar pas deklaratave të bëra sot nga ambasadori i BE në vendin tonë, Luigi Soreca, i cili doli kundër djegies së mandateve të opozitës.
Përmes një shkrimi në Facebook, Kaba shkruan se Soreca është zëvendësuesi ideal i ish-ambasadores Romana Vlahutin, e cila asnjëherë nuk dëgjoi zërin e qytetarëve shqiptarë dhe kurrë nuk i hapi stytë të shikonte drogën që mbyti vendin.
Sipas Kabës, mijëra shqiptarët që protestuan ditën e shtunë para kryeministrisë i kërkuan opozitës të mos jetë më pjesë e një Kuvendi me vota të blera nga krimi i organizuar.
“Soreca zëvendësues i denjë i Vllahutinit.
Ata mijëra shqiptarë i kërkuan opozitës të mos jetë më pjesë e një Kuvendi me vota të blera nga krimi i organizuar. Dy fjalë kam për këtë zyrtaruc që për opozitën verdikti i qytetarëve shqiptar është i pari. Interesi i qytetarëve shqiptarë është i pari. Pastaj andej nga fundi vjen karriera e këtij zyrtaruci të BE. Hape gojën e flit për votat e blera me paratë e krimit pastaj na bëj “leksione”, që duken të sponsorizuara nga paratë e drogës. Flit për grabitjen e taksave të shqiptarëve, pastaj qahu për kërpudhën. Para se të bëje këto deklarata idiote e të mirëpaguara te na thotë pak çfare do të ndodhte në Itali, nëse partia e Kryeministrit italian do të dilte në pergjime te prokurorisë italiane, që mafia ka blerë vota për qeverinë? T’i japë përgjigje kësaj dhe pastaj të flasë per kërpudhën dhe dritat e kuplahrasë. Asnjë nga këto idiotesitë e paguara nga Qeveria nuk mund ta ndalë opozitën në vendimet e saj. Shqipëria është shtëpia e shqiptarëve!”
“Heqja dorë nga mandatet është dukshëm kundërproduktive për Shqipërinë dhe shkon kundër interesave të qytetarëve për reforma. 93% e shqiptarëve dëshirojnë t’i bashkohen BE-së, që do të thotë se janë votues nga të gjitha krahët e Parlamentit”. Kjo ishte deklarata e sotme e Luigi Soreca për një prej televizioneve kombëtare në vend.
Deklarata e ambasadorit të BE vjen një ditë pasi opozita vendosi në unanim të plotë Pro djegies së mandateve parlamentare.
