Deputeti demokrat, Enkeled Alibeaj, i është përgjigjur deklaratave të bëra sot nga zëdhënësja e KE-së, Maja Koçijançiç, e cila theksoi se djegia e mandateve nga ana e opozitës është kundër integrimit në BE.
I ftuar në Ora News, Alibeaj i kujtoi Koçijançiç mosreagimin e BE në 2014 kur u kanabizia vendi.
Pjesë nga diskutimi
Alibeaj: Jemi konsultuar me ndërkombëtarët, por mbi të gjitha ne jemi konsultuar me shqiptarët. Kjo opozitë është konsultuar me ndërkombëtarët në 2014 për dekriminalizimin. Ishte i vetmi akt që na dolën në krah. Faleminderit ndërkombëtarëve.
Njuma: Ka patur një deklaratë të zëdhënëses së KE, Maja Koçijançiç, e cila thotë se ky vendim për të djegur mandatet është kundër produktiv dhe kundër përpjekjeve të vendit për të zbatuar reformat e kërkuara nga BE
Alibeaj: Ku ishte zonja kur u kanabizua vendit, zonja dhe zotrinjtë e tjerë.
Njuma: Kanabizimi i Shqipërisë nuk nisi me PS. Lazarati është simboli më i qartë i kanabizimit të Shqipërisë
Alibeaj: Të gjitha raportet e BE, ato të cilat filluan nga 2015, zëdhënese e së cilës është zonja, treguan që nga një Lazarat, po ishte problem, për një nga arsyet që ne në 2013 ramë nga qeverisja, me të drejtë, me një proces elektral të pranuar sic në vendet e BE ndodh, ai Lazarati i vogël u bë gjithë Shqipëria. Ku ishte zonja në 2016 kur gjysma e grupit parlamentar në zgjedhjet në Dibër rezultuan të përgjuar? Ku ishte zonja në 2017 kur me aktet e Prokurorisë del nga koka deri në fund?!
