Ishte një ndeshje e bukur vetëm në pjesën e parë ndërsa në të dytën morrëm një gol të dytë që në fillim. Pati shumë gabime nga lojtarët tanë pas pësimit të golit të dytë. Ishte një ndeshje e keqe sepse pasimet nuk dilnin asnjëherë ashtu siç duhet. Për mua ndeshja ishte një makth. Të marrësh 3 gola në një ndeshje të tillë. Çfarë të thuash”. Këto janë fjalët e Giani De Biasi pah humbjes së Shqipërisë 1 -3 me Ukrahinën.
Trajneri i kombëtares në një intervistë për për Supersport tha se ndeshja nuk i kishte pëlqyer aspak dhe pati gabime në pasime.
“Pësuam në dy rastet e para të kundërshtarit. Kemi punuar gjatë këtyre ditëve në stërvitje pikërisht në këto raste. Ka një frikë në skuadër në rastet në ajër. Është e pabesueshme se si i pësojmë këta gola. Patëm një rast në pjesën e parë për të kaluar në avantazh me Sadikun që morri topin shumë mirë, por e goditi keq. Shpresoj që këto ditë të përmirësojmë disa gabime”.
Përse futi 3 sulmues në fushë? (Balaj, Cikalleshi, Gashi)
“Nuk ishte i rëndësishëm rezultati në një ndeshje të tillë. Ne vendosëm të bëjmë një provë me 3 sulmues. Kjo edhe për ta parë sa jep skuadra në rast kur jemi në disavantazh”.
Për pak ditë vjen Zvicra.
“Shpresojmë që të jemi më të zgjuar në ndeshjen me Zvicrën. Do të punojmë sërish për të përmirësuar gabimet dhe për të mos bërë më gabime të tilla.”
Gjendja e Canës?
“Nuk është në 100% të gjendjes. Shpresojmë që të rikuperojë në ditët e mbetura. Ka një goditje në qafë dhe po punojmë me të.”
A e fitoi Sadiku vendin e titullarit përballë Cikalleshit dhe Balajt?
“Është fusha që i jep përgjigjet. Ai luajti mirë me Katarin. Luajti mirë në pjesën e parë. Ne jemi duke punuar”.
