Luis Nani bëhet gati për të nisur një aventurë të re përtej Oqeanit. Sulmuesi i Sporting Lisbonës do ta vazhdojë karrierën e tij në Major League Soccer me ekipin e Orlando City-t, që ka vendosur të bëjë një goditje të madhe, e para që pas largimit të Kakasë.
Nani do të përfitojë rreth 4 milionë euro në vit për dy sezone me ekipin amerikan, ndërsa tashmë ka zbarkuar në Florida për t’iu nënshtruar vizitave mjekësore me klubin e ri.
Kujtojmë që Nani ka patur një karrierë shumë të suksesshme në Europë, sidomos me Manchester United, skuadër me të cilën ka fituar, ndër shumë trofe, 4 tituj të Premier League-s dhe 1 Champions.
