Kristof Piontek është futbollisti i momentit te Milani dhe në Serinë A. Polaku që në fillim të sezonit po shënon pa pushim dhe këtë “zanat” e vazhdon dhe me Milanin.
Dopieta e shënuar kundër Atalantës ka bërë që të gjithë të flasin për të.
6 gola në 5 ndeshje me Milanin e kanë çuar në piedestal sulmuesin, i cili nuk di të ndalet. Aftësitë e tij në fushën e lojës kanë mahnitur dhe Gatuzon, i cili nuk i kursen fjalët e mira për të.
“Piontek ka lindur për golin dhe në fushë e tregon qartësisht këtë. Bebet thonë gjithmonë “mam”, ndërsa në vend të kësaj Piontek thotë “gol”. Sa herë që flet në gojën e tij është gjithmonë fjala “gol”, “gol”, “gol”, ka thënë Gatuzon para mediave.
