Kampionatin evropian është një ndër eventet më të rëndësishme të futbollit në Evropë. Vendi mikëpritës ku do të zhvillohet kampionati është Franca, Qeveria e saj në përpjekje për t’i dhënë fund një vale protestash të cilat mund ta prishin kampionatin evropian në futboll, ka bërë thirrje sot për ndaljen e grevës në hekurudha, si dhe ua ka bërë me dije pilotëve se plani i tyre për të mos punuar është i papërgjegjshëm.
Reuters shkruan se kjo thirrje vjen në momentin kur një grevë e pakufishme hyri në ditën e tretë nëpër hekurudha, duke i zvogëluar përgjysmë shërbimet e trenit, vetëm një javë para fillimit të kampionatit evropian të futbollit i cili pritet t’i tërheqë rreth 2.5 milionë tifozë, shumica nga shtetet e jashtme.
