Sekretari i Përgjithshëm i Partisë Demokratike, Gazment Bardhi, ka komentuar ditën e sotme në studion e lajmeve të Syri.net, protestën e 16 shkurtit.
Ai u shpreh se protesta e ditës së nesërme do të jetë më masivja në këto 28 vite.
Gjithashtu, numri dy i selisë blu ftoi policinë të bëjë detyrën dhe të mos bëhet policia politike e Edi Ramës.
‘Do të jetë protesta më masive që ka parë Shqipëria në këto 28 vite. Le të ngrejë barriera në autostradë.
Le të ketë kontrolle nëpër qytete. Policia ka detyrë të parandalojë krimin, jo të ndalojë qytetarë në rrugë.
Nëse ka të dhëna për elementë kriminalë, le ti arrestojë. Asnjë kriminel nuk është ftuar në protestë. Janë ftuar shqiptarët’, u shpreh Bardhi.
I pyetur për një listë hipotetike të policisë lidhur me kriminelë që do të jenë në protestë, Bardhi u shpreh: “Ka një listë me kriminelë dhe ata janë në qeveri dhe parlament”.
