Për ndeshjen kundër Flamurtarit duket se trajneri i Skënderbeu do të ketë një ekip më të plotë në dispozicion në krahasim me takimin e fundit ndaj Laçit.
Dy lajmet e mira për trajnerin Orges Shehi janë: rikthimi në ekip i kapitenit Marko Radas, i cili përfundimisht është konfirmuar se do të jetë pjesë e ndeshjes në Vlorë, si dhe gjendja e përmirësuar fizike e Bruno Ditës.
Të dy lojtarët kanë lënë pas problemet me shëndetin dhe janë në formë të mirë për të qenë pjesë e ekipit në ndeshjen e radhës. Një lehtësim ky për trajnerin Orges Shehi, që do të ketë mundësi të bëjë zgjedhjet e veta në këtë takim. Nga ana tjetër, dy mungesat e vetme të korçarëve në Vlorë do të jenë Dejvi Bregu dhe Bruno Lulaj, që vijojnë të jenë të dëmtuar.
