Në shkollën Gustav Mayer, në Tiranë ditën e djeshme është sabotuar mësimi nga vetë prindërit e fëmijëve. Prindërit prej disa ditësh janë lajmëruar për një rikonstruksion të shkollës ndërkohë që mësimi do të zhvillohet me turne në dy shkollat më të afërta 9 vjecare.
Ky vendim i papritur ka rënë në kundërshtim me prindërit e fëmijëve të cilët nuk janë dakort që të kryhen punime në shkollë gjatë vitit të mësimit.
‘Nuk kanë pse kryejnë punime në dimër. Ne nuk po kërkojmë asgjë të pamundur, vetëm të shtyhen punimet në dimër. Ka shumë prindër që kanë më shumë se një fëmi, ka prindër që i kanë fëmiëjt nëpër kurse mbasdite. Nuk mund të shkatërrohet gjithë sistemi dhe procesi mësimor vetëm për një rikonstruksion që me siguri po promovohet për qëllime elektorale. Ne do sabotojmë mësimin dhe fëmijët duke filluar nga nesër nuk do shkojnë në shkollë,’ u shpreh njëri nga prindërit e fëmijëve.
Ata i kanë bërë thirrje DAR-it dhe Bashkisë së Tiranës të ndalojnë menjhëerë këtë vendim dhe ta vazhdojnë procesin mësimor rregullisht.
‘’Në tenderimin që i është bërë punimeve thuhet që ato do të zgjasin dy muaj, i kërkojmë llogari Bashkisë vetëm për një gjë: Pse nuk nisin punimet gjatë muajve të verës, sa kohë që do të zgjasin dy muaj? Ne nuk jemi njofdtuar për asnjë të dhënë sa i përket këtij investimi. Autoriteti kontraktor mund të ndërpresë kontratën në rast se i shërben interesit publik. Ne nuk themi që kontrata të anullohet, port ë shtyhet për në muajin Qershor nisja e punimeve”, shprehet babai.
Megjithatë ai shpreh se shunë prej prindërve punojnë ne shtet dhe janë të frikësuar, por pavarësisht kësaj ato e kanë firmosur peticionin drejtuar Bashkisë së Tiranës.
