Kryeministri Edi Rama, i ftuar mbrëmjen e sotme në ‘Real Story’ ka nxjerrë sërish në pah arrogancën që e karakterizon, ndërsa është shprehur se nuk i interesojnë shqiptarët që protestojnë.
I pyetur nga moderatori i emisionit se a do ta rishikojë Rama mundësinë për zgjedhje të parakohshme nëse në 16 shkurt protesta do të jetë masive, përgjigja e kryeministrit ka qenë mjaft arrogante, duke thënë se ditën e shtunë ata që protestojnë nuk janë shqiptarët.
‘Unë jam në krye të një shumice që ka një kontratë me popullin shqiptar. Kjo kontratë do të rishikohet nëse ka ndryshim të ekuilibrave në parlament, apo kur ti vijë koha, të tjerat janë ëndrra. Këta synojnë dhe ëndërrojnë të bëjnë këtu atë që ndodhi në Maqedoni. Këta nuk e kanë fare idenë se për çfarë flasin. Ditën e shtunë nuk proteston Shqipëria’, deklaroi Rama. /Boldnews.
